Nor gara?
IGESI Bilboko San Inazio Eskolako Ikasleen Guraso Elkartea da. Gurasook prest gaude borondatez eta musutruk parte hartzeko eta laguntzeko eskolako jardueretan: euskararen eguna, Olentzero eta Mari Domingiren bisita, Agate Deuna, inauteriak, Korrika, etab.
​
IGESIk berak erabakitzen du zer ekintza egiten dituen, eta independentzia osoz gauzatzen ditu, talde politikoen, erlijiosoen edo beste edozein talde motaren inolako loturarik gabe, azken helburu bakarrarekin: Bilboko San Inazio Eskolako familien interes kolektiboak defendatzea.
Nuestra misión
Gure xedea
​
-
Eskolako hezkuntza-jardueretan laguntzea.
-
Familiok eskolaren kudeaketan parte har dezagun sustatzea.
-
Prestakuntza-jarduera osagarriak antolatzea, familion onerako: euskal hizkuntza eta kultura sustatzera bideratutakoak, besteak beste.
-
Familioi bizitza pertsonala, familiakoa eta lanekoa uztartzen laguntzea, eskola-orduetatik kanpo goizeko zaintza eta eskolaz kanpoko jarduerak eskainiz.
Órganos de gobierno y personas asociadas
Gobernu-organoak eta bazkideak
​
Elkartearen gobernu-organoak hauek dira: bazkideen Batzar Nagusia (organo gorena), eta Zuzendaritza Batzordea (zuzendaritza iraunkorreko organo kolegiatua).
​
Elkarteko kide izan daitezke Bilboko San Inazio Eskolan ikasten ari diren haurren ardura duten gurasoak edo tutoreak.
Anima zaitez parte hartzen!
Zer egiten du IGESIk?
​
-
Eskolaz kanpoko jarduerak kudeatzen ditugu. Eskola-kontseiluko kide gara eta ordezkari bat dugu barruti-kontseiluan. Honela, Udalaren berri izango dugu zuzenean.
-
Hitzaldiak, solasaldiak, kontsultak, jaialdiak, proiekzioak eta abar antolatzen ditugu, baita kirolean, zineman edota lanbide-orientazioan talde espezializatuak ere. Horiek guztiak batzorde batek diseinatutako programaren arabera garatzen dira. Halaber, eskola-liburutegia hobetzen laguntzen dugu.
-
IGESIko Zuzendaritza Batzordearen bidez familia bazkideen eta eskolaren arteko etengabeko harremanak izaten ditugu.
-
Ikasmaila bakoitzeko ordezkari bat (ikaslearen aita/ama/tutorea) aukeratzen laguntzen dugu, ikasmailaren eta IGESIren ekimenak eta arazoak koordinatzeko, beti irakasleekin eta ikasleekin harremanetan.
-
Beharrezkoa denean, bilerak egiten ditugu irakasleekin, gurasoekin eta ikasleekin.
-
Beste elkarte eta erakunde batzuekin lankidetzan aritzen gara.